Uniun

Wikimedia CH - l’uniun per la promoziun da la savida libra – è in’uniun dal util public che ha la finamira da promover la derasaziun libra da savida en Svizra. Tranter auter sustegn ella era ils projects da la Wikimedia Foundation. Quai èn l’enciclopedia libra Vichipedia , la banca da datas multimediala Wikimedia Commons , la biblioteca libra Wikibooks , il portal da novitads Wikinews , la collecziun da citats Wikiquote  u era la collecziun da funtaunas da texts Wikisource .

L’uniun è vegnida fundada ils 14 da matg 2006 ed unescha auturas/auturs ed utilisadras/utilisaders da projects da Wikimedia en tuttas quatter linguas naziunalas (tudestg, franzos, talian e rumantsch) ed ils dialects alemans. Wikimedia CH è renconuschida sco uniun naziunala da la Wikimedia Foundation. L’uniun è dentant independenta, quai tant finanzial sco era giuridicamain. L’uniun n’è ni responsabla per il hosting ni ha influenza sin ils cuntegns dals projects da Wikimedia. Las activitads da l’uniun cumpiglian:

  • Partenari da contact per las medias svizras
  • Tgirar ils contacts tar instituziuns publicas (autoritads, vischnancas, bibliotecas euv.) e privatas per gudagnar ulteriurs cuntegns libers per ils projects da Wikimedia
  • Furmaziun da scolas/scolars, scolastas/scolasts ed interessadas/interessads vi dals projects da Wikimedia
  • Stgaffir partenaris cun organisaziuns externas per meglierar la derasaziun ed il diever da cuntegns libers